Gürcüstanda daha bir nazir və müavinləri istefa verdi

Onunla birlikdə nazir müavinləri də istefaya gediblər

Bu gün Gürcüstanın xarici işlər naziri Maya Pancikidze vəzifəsindən istefa verdiyini açıqlayıb.

O bu barədə Tbilisidə keçirilən brifinqdə bəyan edib.

Pancikidze ilə birlikdə nazir müavinləri David Zalkaliani, Tamar Beruçaşvili və David Calaqaniya da istefaya gediblər.

Qeyd edilib ki, M.Pancikidze hakimiyyətdəki “Gürcü Arzusu” koalisiyasını tərk etdiyini də bildirib.

Noyabrın 4-də Gürcüstanın baş naziri İrakli Qaribaşvili ölkənin müdafiə naziri İrakli Alasaniyanı istehfaya göndərib.

Hökumət başçısının sözlərinə görə bu qərar Alasaniya Müdafiə nazirliyində rüşvətxorluğa dair istintaqı siyasiləşdiurməyə cəhd edib.

Alasaniyanın istehfasına həmrəylik göstərərək Avropa və avroatlantik strukturlara inteqrasiya naziri Aleksi Petriaşvili istefaya gedib./Oxu.az/

Ölkə.Az