Ukrayna Rusiyaya olan borcunun bir hissəsini ödədi

Rusiyanın "Qazprom" şirkəti Ukraynanın "Naftoqaz" şirkətindən borcunun birinci tranşını alıb.

Ölkə.az "Ria-Novosti" agentliyinə istinadən xəbər verir ki, "Naftoqaz" "Qazproma" 1,45 milyard dollar həcmində ilk tranşı bu gün ödəyib.

"Qazpromun" rəsmi nümayəndəsi Sergey Kupriyanov verdiyi açıqlamasında bunun köhnə borcun bir hissəsi olduğunu vurğulayıb. Növbəti tranşın 1,65 milyard dollar olacağı bildirilir.

Xatırladırıq ki, Moskva Kiyevə qazı kəsəcəyi haqda xəbərdarlıq etmişdi. Rusiyanın köhnə borcları ödəmədən Ukraynaya qaz satmayacağı haqda verdiyi bəyanatdan sonra Kiyev köhnə borcları hissə-hissə ödəmək qərarına gəldi.

Ölkə.az