Gürcüstanda hakim koalisiya parçalandı

Gürcüstanda müdafiə naziri postundan istefa vermiş İrakli Alasaniyanın rəhbərlik etdiyi Bizim Gürcüstan – Azad Demokratlar Partiyası hakim koalisiyadan çıxıb

Ölkə.Az bildirir ki, media forum saytının məlumatına görə, İrakli Alasaniya özü belə bəyanat yayıb. O qeyd edib ki, hakim “Gürcü arzusu” koalisiyası ilə yolları sivil formada ayrılıb, amma oturub bu barədə müzakirə aparmaq mümkün olmayıb.

İrakli Alasaniya müdafiə naziri postunu noyabrın 4-də tərk edib. Onu Mindiya Canelidze əvəzləyib. Mindiya Canelidze Dövlət Təhlükəsizliyi, Böhranları İdarəetmə üzrə Hökumət Şurasının katibi postunu tuturdu.

Noyabrın 5-də Gürcüstanın xarici işlər naziri Maya Pancikidze də istefa verib. Qərarını brifinqdə bəyan edən Pancikidze müavinləri David Zalkaliani, Tamar Beruçaşvili, Levan Qurqenidze və David Calaqaniyanın da öz postlarından istefa verdiklərini bildirib.

Pancikidze hakim “Gürcü arzusu” Partiyasının sıralarından çıxacağını elan edib.

Ölkə.Az