Facebookdan xeyirxah addım

Facebookda Ebolaya qarşı ianələr vermək üçün düymə yerləşdiriləcək.

Ölkə.Az Associated Press-ə istinadən xəbər verir ki, Facebook şirkəti Ebola virusuna qarşı sosial şəbəkədə xüsusi ianə funksiyası tətbiq edəcək.

Facebook istifadəçilərindən gələn yardımlar Beynəlxalq Qırmızı Xaç Federasiyası, Beynəlxalq tibbi korpus və Save The Children təşkilatına göndəriləcək. İanələr dünyanın bütün ölkələrindən qəbul ediləcəyi bildirilib.

Bundan əlavə, Facebook şirkəti Ebola virusundan əziyyət çəkən Qərbi Afrika ölkələrində internet və telefon rabitəsinin inkişafına yardım etmək məqsədilə 100-ə yaxın terminalın yerləşdirilməsini maliyyəşdirəcək.

Bütün bu layihələr Mark Zukerberqin Ebolaya qarşı şəxsi büdcəsindən ayırdığı 25 milyon hesabına gerçəkləşdiriləcək.

Rəşid Mustafazadə

Ölkə.Az