Yəməndə qadınlar silaha sarıldılar
Ölkə.Az xəbər verir ki, Səudiyyə Ərəbistanı əleyhinə şiə husilərin keçirdiyi nümayişlərdə silahlı qadınlar da iştirak edib.
Yəmənin paytaxtı Səna şəhərində şiə husilər Səudiyyə Ərəbistanına qarşı nümayiş keçiriblər. Silaha sarılan qadınlar husiləri dəstəkləyiblər. Avtomat və digər silahlarla silahlanmış qadınlar aksiyada uşaqları ilə birlikdə iştirak ediblər.
Şiə məzhəbinin Zeydi qolundan olan Husi tayfası 2004-cü ildə ilk üsyanı başladan Hüseyin Bedrettin Əl Husinin şərəfinə adlandırılıb. Yəmənin 25 milyonluq əhalisinin 30 %-ni husilər təşkil edir. Husilərin lideri isə 2004-cü ildə dövrün lideri Əli Abdullah Salihə qarşı üsyana qalxmışdı.
Səudiyyə Ərəbistanının liderliyində koalisiya qüvvələri üsyanı yatırmaq üçün 2015-ci ildən Yəmənə müdaxilə edir. 2015-ci ildən Yəməndə münaqişələr davam edir.
Hikmət
Ölkə.Az
