Hillari Klinton Trampın əleyhinə çıxan etirazçılara təşəkkür etdi
ABŞ prezidentliyinə Demokratlar Partiyasından namizəd, keçmiş dövlət katibi Hillari Klinton onu dəstəkləyən etirazçılara təşəkkürünü bildirib.
Ölkə.Az xəbər verir ki, Hillari Klinton ABŞ-da Donald Trampın əleyhinə təşkil olunan “Qadın marşı” adlı etiraz aksiyasının iştirakçılarına minnətdarlığını çatdırıb. O, dolayı yolla aksiyanın davam etdirməyə işarə vurub.
“Təşəkkür edirəm ki, iradəli şəkildə dəyərlərimizi qoruyursuz. Etirazınızı bildirirsiz. Addımlayırsız. Bizim birlikdə olmağımız həmişəkindən çox vacibdir. İnanıram ki, biz birlikdə daha güclüyük”, - deyə Hillari Klinton bildirib.
Qeyd edək ki, bu gündən ABŞ-da Donald Trampın əleyhinə kütləvi etiraz aksiyaları keçirilir. “Qadınların Vaşinqtona marşı” şüarı altında keçirilən aksiyada 200 mindən çox insan iştirak edir. Aksiya iştirakçıları arasında tanınmış simalar, siyasətçilər, artist və müğənnilər də var.
Ziya Səccad
Ölkə.az
