Tramp ABŞ-la Meksika sərhəddində divarın tikintisi üçün lazım pulu belə qazanmaq istəyir

Ölkə.Az xəbər verir ki, Tramp indi həmin vəsaiti çıxartmaq üçün Meksikadan ABŞ-a gələn mallara 20 faiz əlavə vergi qoyacaq. Bu qərar həm də Amerika vətəndaşlarını da narahat edib. Çünki Meksikadan Amerika mal gətirən həmin insanlara da problem yaranacaq.

Qeyd edək ki, Tramp Twitter səhifəsində  ABŞ-la Meksika sərhəddi arasında tikiləcək divara lazım olan vəsait ödənilməzsə, iki ölkə arasında problemlrə yaranacağını bildirib. Onun sözlərinə görə, bu məsələ Meksika üçün yaxşı qurtarmayacaq:

"Əgər Meksika bu qədər vacib bir divarın inşası üçün vəsait ödəmək istəmirsə, onda gözlənilən görüşü təxirə salmaq daha yaxşıdır".

Xatırladaq ki, Donald Tramp yanvarın 25-də Meksika ilə sərhəddə divarın ucaldılmasına dair fərman imzalayıb. ABŞ-la Meksika sərhəddində divarın tikintisi 12-15 mlrd. dollara başa gələcək. Tramp istəyir ki, tikinti zamanı çəkilən xərclər Meksika dövlətinin büdcəsi hesabına ödənilsin. Meksika prezidenti Enrike Penya Nyeto isə bildirib ki, divaırn tikintisinə çəkilən xərclərə Meksika dövləti pul ayırmayacaq. 

Ziya Səccad
Ölkə.az