İstanbulda polislərə atəş açdılar
Türkiyənin İstanbul şəhərində polisə silahlı hücum olub.
Ölkə.Az xəbər verir ki, hadisə Esenyurt bölgəsində qeydə alınıb. Ərazidə polis maşını ilə növbə çəkən məmurlar şübhəli şəxsləri yoxlayırmışlar. Bu zaman bir nəfər onlara atəş açmağa başalyıb.
Polislər həmin şəxsin açdığı atəşə cavab verməyə başlayıblar. Sonradan əraziyə əlavə polis qüvvələri cəlb olunub. Yarım saata yaxın davam edən atışmada şübhəli şəxs yaralanıb. Polislər onu yaralı halda ələ keçiriblər. Şübhəli şəxsin üstündən 3 ədəd tapança çıxıb.
Həkimlərin müayinəsindən sonra şübhəli şəxs dindirilib. Daha sonra onu məhkəməyə, oradan da həbsxanaya göndəriblər.
Hələlik hadisə barədə ətraflı məlumat verilməyib.
Ziya Səccad
Ölkə.az
