İran PUA-sı qəzaya düşdü
İran Silahlı Qüvvələrinə məxsus pilotsuz uçan aparat (PUA) Cask dağının cənubunda qəzaya uğrayıb.
Ölkə.Az axar.az-a istinadən bildirir ki, "Tasnim" agentliyi qəzadan sonra ərazidə qatı tüstü göründüyünü yazıb. İnsident barədə ətraflı məlumat verilmir.
Xatırladaq ki, yanvar ayında İran Hərbi Hava Qüvvələri Tehran üzərində naməlum PUA-nı vurmuşdu. Daha sonra İRNA məlumat yaydı ki, PUA adı açıqlanmayan media qrupuna məxsus olub.
Yeri gəlmişkən, bu, İranın vurduğu ikinci media PUA-sı idi. Dekabr ayında İran HHQ İran dövlət televiziyasına məxsus PUAnı məhv etmişdi. İran televiziyası onun vasitəsilə dini mərasimi çəkirmiş.