Papa Vatikanda "erməni soyqırımı" üçün ayin keçirəcək

Ölkə.az türk mətbuatına istinadən xəbər verir ki, bu məlumat Argentinadakı erməni icmasının patriarxatından sızıb.

İddiaya görə, Buenos-Ayresdəki erməni kilsəsində ayin təşkil edən kardinal Mario Poli Papa Françiskin Vatikandakı həvari Pyotr ayin salonunda qondarma "erməni soyqırımı" xatirəsinə dini mərasim keçirəcəyini bildirib.

Məlumata görə, Buenos-Ayres erməni kilsəsinin keşişi Pavlo Hakimyan da bu xəbəri təsdiqləyib. Amma Vatikanın rəsmi orqanlarından bu xəbər hələlik təsdiqlənməyib.

Qeyd edək ki, bu xəbər Türkiyənin siyasi dairələri tərəfindən birmənalı qarşılanmayıb və məlumata görə, Ankaranın Vatikana etiraz notası verəcəyi gözlənilir.

Ölkə.az