Nazirlərə status yazmaq qadağan oluna bilər

Nazirlərin sosial şəbəkələrdən istifadəsi məhdudlaşdırılacaq?

Ölkə.Az İnterfaksa istinadən xəbər verir ki, Ukraynada yeni nazirlərə Facebook sosial şəbəkəsində status yazmaq qadağan edilə bilər.

Bu barədə "Pyotr Poroşenko" blokundan koalisiya danışıqlarının iştirakçısı, Ukrayna prezidentinin müşaviri Nikolay Tomenko danışıb.

"Biz nazirlər "Facebook"u qadağan etmək istəyirik. Onların iş günündə nəyi arzuladıqlarını yazmasına ehtiyac yoxdur",-deyə, prezidentin müşaviri bildirib.

Nikolay Tomenko qeyd edib ki, işdən kənar vaxtlarda nazirlərin sosial şəbəkələrdən istifadə etməsi mümkün olacaq.

Rəşid Mustafazadə

Ölkə.Az