Şon Spayser: “Tramp Rusiya ilə birgə mübarizəni davam etdirəcək”
“Ölkə.Az” xəbər verir ki, bu barəd Ağ Evin sözçüsü Şon Spayser jurnalistlərə açıqlamasında bildirib. Onun sözlərinə görə, ABŞ-ın 45-ci prezidenti Donald Tramp Rusiya ilə birgə İŞİD-ə qarşı mübarizə aparmaq fikrindədir.
“Prezident əvvəlki kimi Rusiya ilə birgə İŞİD-ə qarşı mübarizə aparmaq əzmindədir. Əgər Rusiya bizimlə İŞİD-ə qarşı mübarizə aparmaq istəyirsə, bu gözəl haldır. Bu baxımdan, heç nə dəyişməyib”, deyə Ş.Spayser vurğulayıb.
Qeyd edək ki, Ş.Spayser ötən ay da ABŞ prezidenti Donald Tramp Rusiya ilə münasibətləri yaxşılaşdırmaq haqqında düşündüyünü bildiribmişdi. Ağ Ev rəsmisinin sözlərinə görə, D.Tramp ABŞ ilə Rusiyanın hətta müəyyən sahələrdə əməkdaşlıq edə bilməsini də istisna etmir:
“Tramp düşünür ki, ABŞ və Rusiyanın 2 sahədə əməkdaşlığı mümkündür. O, düşünür ki, əgər danışıqlar səmərəli olarsa, Amerika ilə Rusiya terrorla mübarizədə və iqtisadi baxımdan əməkdaşlıq edə bilər. Əgər bu əməkdaşlıq Amerikanın xeyrinə olarsa, bu zaman iki dövlət yaxşı “dil tapar”. Düşünürük ki, bu Rusiyanın da xeyrinə olar”.
Şon Spayser həmçinin Ağ ev ilə Moskvanın İŞİD terro təşkilatı ilə mübarizədə əsas rol oynayacağını da istisna etməyib:
“İŞİD terror təşkilatı ilə mübarizədə Rusiya ABŞ ilə razılığa gələ bilər. Bu sahədə Rusiya ABŞ-la razılaşsa və iqtisadi baxımdan bu Amerikanın xeyrinə olarsa, əməkdaşlıq baş tutar. Biz Rusiya ilə bu şərtlər altında işləməyə həmişə hazırıq”.
Ziya Səccad
Ölkə.Az
