Suriya müzakirələrinin tarixi dəqiqləşdirildi

"Ölkə.Az" xəbər verir ki, tərəflər 23 mart tarixində Cenevrədə Suriya problemini müzakirə edəcəklər. Bu barədə BMT-nin Suriya üzrə xüsusi nümayəndəsi Steffan de Mistura məlumat verib. Mistura Cenevrədə baş tutan Suriya sülh görüşlərinin 4-cü turunun başa çatması barədə BMT Təhlükəsizlik Şurasını məlumatlandırıb.

Şuranın iclasından sonra açıqlama verən Mistura deyib: "4-cü tur görüşləri 9 gün davam etdi. Bu görüşlərdə möcuzə gözləmirdik. Amma heç kəs danışıqlar masasını tərk etmədi və uğur əldə etdik. Tərəflər ilk dəfə idi ki, eyni otaqda görüşlərdə iştirak edirdi. Növbəti mərhələdə isə idarəetmə, konstitusiya prosesi, seçkilər və terrora qarşı mübarizə məsələləri müzakirə ediləcək".

Mistura həm də bildirib ki, Qazaxıstanın paytaxtı Astana şəhərində keçiriləcək görüşdə atəşkəsin pozulma halları müzakirə ediləcək. Amma cənab Steffan bu görüşlərdə iştirak etməyəcək.

Hikmət
Ölkə.Az