Çində dəli xəstəxanada yemək çubuqları ilə 3 nəfəri öldürdü
Çində dəlixanada faciə yaşanıb.
"Ölkə.Az" xəbər verir ki, Çinin Xenan əyalətində psixiatriya xəstəxanasında xəstələrdən biri 3 nəfəri öldürüb. Hadisə fevralın 24-də baş versə də, yerli mətbuat bu barədə indi məlumat yayıb. Yayılan məlumatlara görə, psixi qüsuru olan kişi də onu bağlayan qayışlardan azad olub və yemək çubuqları ilə tibb müəssisəsində müalicə olanan qadınlara hücum edib.
Əsəb xəstəliyindən əziyyət çəkən kişi 4 qadını ağır yaralayıb. Həkimlər və nəzarətçilər onu yaxalaya biliblər. Xəstəyə iynə vurulub və onu yenidən bağlayıblar.
Yaralanan qadınlardan biri hadisə yerində ölüb, digər 3 qadın isə xəstəxanaya aparılıb. Həkimlərin səyinə baxmayaraq, yaralılardan 2 qadın ölüb. Digərinin vəziyyəti ağırdır.
Faktla bağlı araşdırma aparılır.
Ziya Səccad
Ölkə.Az
