Putin Ərdoğanı təbrik etdi

“Ölkə.Az” xəbər verir ki, Putin Türkiyə Respublikası Konstitusiyasına dəyişikliklər edilməsi ilə bağlı referendumun uğurla keçirilməsi münasibətilə Ərdoğanı təbrik edib.

Bundan başqa, iki dövlətin başçısı Suriya məsələsi bağlı müzakirələr aparıblar. Onlar Suriyanın İdlib vilayətində kimyəvi silahdan istifadənin dəqiq və qərəzsiz araşdırılması zəruriliyini qeyd ediblər.   

“Suriyadakı vəziyyət ətrafında fikir mübadiləsi aparılıb. Atəşkəs rejiminin möhkəmləndirilməsinin vacibliyi, Astana və Cenevrə formatlarında danışıqlar prosesinin aktivləşdirilməsinin mühümlüyü qeyd olunub”, - deyə Rusiya hökumətindən bildirilib.

Qeyd edək ki, ötən bazar günü Türkiyədə konstitusiya dəyişiklikləri ilə əlaqədar referendum keçirilib. İlkin məlumata əsasən, 51,33 faiz seçici dəyişikliklərin lehinə səs verib.

Ziya Səccad
Ölkə.Az