Çexiyalı naziri zəhərləmək istədilər

Çexiyanın Daxili işlər naziri zəhərli bağlama alıb.

Ölkə.Az "RİA Novosti"-yə istinadən xəbər verir ki, bu gün Çexiyanın Daxili işlər naziri Milan Hovanetsin adına sianidin əsasında hazırlanmış zəhərli maddə ilə dolu bağlama göndərilib. Bu barədə nazir özü mətbuat konfransında çıxışı zamanı danışıb.

"Respublika Daxili işlər nazirliyinə şəxsən mənim adıma ünvanlanmış bağlama göndərilib. Onu göndərən şəxs çox güman ki, Avropanın şimalında yerləşən ölkələrdən birində yaşayır. İlkin baxışdan sonra bizim mütəxəssislərimiz müəyyən etdilər ki, bağlamada sianid əsasında hazırlanmış zəhərləyici maddə yerləşdirilib. Hal-hazırda göndərən şəxsin izinə düşmək üçün bu maddənin araşdırılması davam edir", - deyə, Hovanets bildirib.

Xatırladaq ki, sentyabrda Çexiyanın prezidenti Miloş Zemanın rezidensiyasına təhdid məktubu və ağ toz olan zərf göndərilmişdi. Alınan məktubun mətni çex dilində idi. Məktubun müəllifi bu günə qədər müəyyənləşdirilməyib.

Rəşid Mustafazadə

Ölkə.Az