Azərbaycanlı Makedoniyada iğtişaşları yatırdı

Azərbaycan icmasının sədri "dirəniş simvolu"na çevrildi

Ölkə.Az xəbər verir ki, Makedoniyada alban əsilli deputat Tələt Cəfərinin parlamentə spiker seçilməsi ultrasağçı millətçilərin hücumu ilə müşahidə olunub.

Qeyd edək ki, Tələt Cəfəri Azərbaycanı dəstəkləyən siyasətçilərdən sayılır. Bu barədə makedoniyalı jurnalist Cabir Deko məlumat verib:

''Təxminən 100 nəfərdən çox yaralı var. Onlardan 20-si parlamentaridir. Digərləri isə polis və jurnalistlərdir. Yaralılar arasında Türk Hərəkat Partiyasının baş katibi, Makedoniya-Azərbaycan Dostluq Cəmiyyətinin sədri Enes İbrahim də var. O, ciddi xəsarətlər almışdı, amma hazırda vəziyyəti normaldır”.

Enes İbrahimin iğtişaş törədənlərə qarşı ciddi dirənişi və müqaviməti Makedoniyada böyük rəğbətə səbəb olub. Onu hətta "dirənişin simvolu" seçiblər.

Qeyd edək ki, Enes İbrahim Azərbaycanı Balkanlarda müdafiə edən siyasətçilərdən sayılır. O, keçən il diaspor üzrə jurnalist Elnur Eltürklə bərabər Makedoniya-Azərbaycan Dostluq Cəmiyyətini yaradıblar.

Cabir Dekonun sözlərinə görə, Makedoniya parlamentində baş verənlərlə bağlı artıq Avropa Komissiyası da münasibət açıqlayıb və olanları sərt dillə qınayıb.