Parisdə 1 May nümayişi zamanı qarşıdurma baş verib

"Ölkə.Az" xəbər verir ki, keçirilən 1 May nümayişi zamanı qarşıdurma baş verib. Qarşıdurma zamanı aksiya iştirakçıları partlayıcı və tezalışan maddələrdən, taxta, dəmir parçalarından istifadə ediblər. Polis onlara müdaxilə edib. Bu zaman aksiya iştirakçıları polisə hücum ediblər.

Qarşıdurma zamanı 6 polis əməkdaşı xəsarət alıb. Fransa polisindən verilən məlumata görə, yaralılardan bir qadın polisin vəziyyəti ağırdır.

“Bir qadın polis əməkdaşının əlində partlayıcı maddə alışıb. Nəticədə polisin əli tamam yanıb. Ksiya iştirakçıları digər polis nəfərinin üzünə yandırıcı maddə atıblar. Digər polis əməkdaşına isə dəmir parça ilə xəsarət yetiriblər”, - deyə polisdən məlumat verilib.

Polisdən onu da bildiriblər ki, nümayiş zamanı qeyri-qanuni odlu silah gəzdirən və polisə tabe olmayan 30-a yaxın insan saxlanılıb.
 
Qeyd edək ki, Parisdə ənənəvi 1 May Beynəlxalq Əmək Gününə həsr edilən nümayiş bir neçə həmkarlar ittifaqı tərəfindən təşkil edilib.

Ziya Səccad
Ölkə.Az