NATO Suriya və İraqda müharibə aparmayacaq
"Ölkə.Az" xəbər verir ki, Stoltenberq alyansın terrorçulara qarşı hərbi əməliyyatlarda iştirakı imkanının istisna olduğunu bildirib.
NATO-nun baş katibi bəyan edib ki, alyans Suriya və İraqda İŞİD terrorçularına qarşı keçirilən hərbi əməliyyatlarda iştirak etməyəcək. O, Almaniyanın baş naziri Angela Merkel ilə keçirilən görüşdən sonra bu bəyanatla çıxış edib.
Stoltenberq deyib: "NATO koalisiyaya qoşulsa da, onun rolu dəyişməyəcək. Alyans Suriya və İraqda keçirilən hərbi əməliyyatlarda iştirak etməyəcək".
Onun sözlərinə əsasən NATO kəşfiyyat məlumatları və təyyarələrlə təmin edəcək. Eyni zamanda bölmələrin təhlükəsizlik hazırlıqlarına yardım edəcək".
Bu barədə qərar alyansın 25 may tarixində Brüsseldə keçiriləcək sammitində qəbul ediləcək. Bununla yanaşı terrora qarşı mübarizə və müdafiə xərcləri də müzakirə ediləcək.
Hikmət
Ölkə.Az
