Ərdoğan: “Ankara və Vaşinqton terrorla mübarizədə birgə fəaliyyət göstərəcək”

“Ölkə.Az” xəbər verir ki, bu barədə Türkiyə prezidenti Rəcəb Tayyib Ərdoğan jurnalistlərə bildirib. Türkiyə rəhbəri Donald Trampla Vaşinqtonda görüşdən sonra keçirilən mətbuat konfransıda deyib ki, bu mübarizə bütün dünyada sülhün bərqərar olması üçün vacibdir.

"Biz Suriya və İraqda həyata keçirə biləcəyimiz ümumi səyləri nəzərdən keçiririk", — deyə Ərdoğan qeyd edib.

Türkiyə lideri söhbətin hansı səylərdən getdiyini açıqlamayıb.

Qeyd edək ki, bu gün Vaşinqtonda ABŞ və Türkiyə prezidentləri Donald Tramp və Rəcəb Tayyib Ərdoğan arasında görüş baş tutub. Görüşdən sonra Tramp və Ərdoğan birgə mətbuat konfransı keçirib.

Konfransda çıxış edən ABŞ prezidenti Donald Tramp, terrorla mübarizədə Türkiyəni dəstəklədiklərini bildirib.

“Bu gün biz yeni düşmənlə üzləşmişik və onunla birlikdə mübarizə aparmalıyıq. Biz son vaxtlar bir çox terror hücumları ilə üzləşmişik, biz birlikdəyik və Türkiyə xalqına dəstəyimizi təklif edirik. Biz terrorla mübarizədə öndə gedən, İŞİD və PKK kimi terror qruplaşmaları ilə mübarizə aparan Türkiyəni dəstəkləyirik”, - deyə Tramp qeyd edib.

Ziya Səccad
Ölkə.Az