ABŞ-ın sabiq dövlət katibi amerikalılara rus dilini öyrənməyi məsləhət bildi

“Ölkə.Az” xəbər verir ki, sabiq dövlət katibi amerikalı tələbələrlə görüşdə Rusiyadan ehtiyat etməyi məsləhət görüb. Onun fikirlərinə görə, Rusiya ABŞ-a müdaxilələr edir.

“Əgərə vətəninizi, Amerikanı qorumaq və təhlükəsizliyimizi tam təmin etmək istəyirsizsə, çalışın Rus dilini öyrənin. Mənə həmişə sual verirdilər ki, hökumətin qərarlarına necə təsir etmək olar. Mən bu sualın cavabını artıq tapmışam. Gərək Ağ Evin hazırkı administrasiyası “”Rus dili” öyrənsinlər”, - deyə Con Kerri bildirib.

 “Politico” qəzetinin yazdığına görə,  C.Kerri Harvard Universitetində tələbələrlə görüşərkən bu barədə açıqlama verib. O, bu fikirlərlə ABŞ-da keçirilən prezident seçkiləri zamanı Rusiyanın müdaxiləsinə və bunun da nəticəsində Trampın qələbə qazanmasına işarə edib.

Qeyd edək ki, ABŞ iddia edir ki, ölkədə keçirilən prezident seçkilərinə Rusiya kəşfiyyatı müdaxilə edib. Məhz bu səbəbdən də, Rusiyapərəst hesab edilən Tramp seçkilərdə qələbə qazanıb. Lakin rəsmi Moskva bunu təqzib edib. Bu iddiaların heç bir sübuta söykənmədiyini bildirib.

Ziya Səccad
Ölkə.Az