Misir hökumətindən ABŞ-a açıqlama
“Ölkə.Az” xəbər verir ki, danışıq Amerikalı nazirin təşəbbüsü ilə reallaşıb. Danışıq Misirin Liviyada keçirdiyi əməliyyatlar barədə olub. Samex Şükri mayın 26-da keçirilən əməliyyata haqq qazandırıb.
“Bu Misir hökumətinin qanuni hüququdur”, - deyə Samex Şükri bildirib.
Misir XİN rəhbərinin sözlərinə görə, bu əməliyyat ölkə üçün təhlükə törədən İŞİD terrorçularına qarşı hazırlanıb.
“Əməliyyatlar Misir dövlətinin təhlükəsizliyinin qorunmasına hesablanıb. Liviya ilə Misir sərhəddində yerləşən terrorçular birbaşa bizim üçün təhlükə mənbəyi idi. Bizim onları vurmağımız özünü müdafiə xarakteri daşıyır”, - deyə Samex Şükri əlavə edib.
Qeyd edək ki, Misir Hərbi-Hava Qüvvələrinə məxsus qırıcılar Liviyanın şərqində yerləşən İŞİD terror təşkilatının mövqeylərini bombalayıb. Qırıcılar terrorçuların mövqelərinə 6 aviazərbə yetirib. Bu barədə Liviya Hərbi-Hava Qüvvələrinin komandiri Sakar əl-Caruşi bildirib. Onun sözlərinə görə, zərbələr Liviya Silahlı Qüvvələrilə koordinasiya vasitəsilə həyata keçirilib.
Liviya Silahlı Qüvvələrindən verilən məlumata görə, terrorçulara qarşı əməliyyat ölkənin şərqində törədilən terror aktından dərhal sonra həyata keçirilib. Belə ki, İŞİD terrorçuları ərazidə hərəkətdə olan avtobusu saxlayıblar. Avtobus Misirin cənubunda yerləşən monastra gedirmiş. İçərisində xristinalar olub. Avtobusun vurulması zamanı 35 insan ölüb, 20-dən adam yaralanıb.
Ziya Səccad
Ölkə.Az
