Venesuelanın paytaxtındakı nümayişlərdə 150 nəfər xəsarət aldı
Venesuelanın paytaxtında baş verən nümayişlər zamanı 1 gün ərzində 150 nəfər xəsarət alıb.
"Ölkə.Az" xəbər verir ki, xəsarət alanların böyük əksəriyyəti gözyaşardızı qaz səbəbindən yaralanıb. Bu barədə Baruta bələdiyyəsinin səhiyyə idarəsi məlumat verib.
Əvvəlcədən də bildirildiyi kimi, xəsarət alanlar arasında müxalifət liderlərindən Enrike Kapriles, Milli Assambleyanın millət vəkili Karlos Paparoni də var. Kaprilesin sözlərinə əsasən, o və onun komandasına milli qvardiyanın əməkdaşları hücum edib.
Kapriles isə 247 nəfərin xəsarət aldığını bildirib. Bundan başqa müxalifət lideri hakimiyyəti nümayişləri yatırtmaq üçün cinayətkarları cəlb etməkdə ittiham edib.
Hikmət
Ölkə.Az
