Donald Trampın müəmmalı “Twitter” statusu qalmaqal yaratdı
“Ölkə.Az” xəbər verir ki, Amerikanın rəhbəri "covfefe" sözü ilə “Twitter” hesabında yarımçıq cümlə yazıb. Həmin paylaşımı 100 mindən artıq insan oxuyub. Trampın bu paylaşımına çoxlu sayda istifadəçi şərh yazıb. Həmin günün səhəri Tramp statusunu silib və onun müəmmalı yazısına heç kimin doğru cavab vermədiyini bildirib.
Tramp həmin cümləni sildikdən sonra "trend topic" kəlməsini yazıb. Bu kəlmənin də cavabını heç kimin tapmayacağını bildirib. Trampın həmin paylaşımını da 150 mindən çox insan izləyib və şərh edib.
Qeyd edək ki, Amerika tarixində Donald Tramp yeganə prezidentdir ki, “Twitter” hesabından fəal istifadə edir. O, bununla Amerikada vətəndaşlarla daha rahat ünsiyyət qura bildiyini deyib.
“Amerika xalqı ilə birbaşa ünsiyyət qurmaq xoşdur. Sosial şəbəkələr vasitəsilə həqiqətləri Amerika xalqına birbaşa çatdıra bilirəm”, - deyə Tramp açıqlama verib.
Ziya Səccad
Ölkə.Az