Almaniyada rok-festivalı terror təhlükəsinə görə təxirə salınıb
Almaniyanın Nürburq şəhərində məşhur “Rock am Ring” rok-festivalının tamaşaçıları terror təhlükəsi ilə əlaqədar təxliyə edilib.
“Ölkə.Az” xəbər verir ki, bu barədə konsertin təşkilatçıları “Facebook” sosial şəbəkəsində bildiriblər.
"Terror təhlükəsi ilə əlaqədar polis festivalı dayandırmağı tövsiyə edib. Biz bütün izləyiciləri festivalın keçirildiyi yeri tərk etməyə çağırırıq" – deyə bəyanatda bildirilir.
Təşkilatçılar həmçinin qeyd ediblər ki, onlar polisin təhqiqatına dəstək verməlidirlər. Çünki terrorçular dəfələrlə rok-festivalı zamanı böyük terror aktı törədəcəkləri barədə xəbərlər yayıblar.
Qeyd edək ki, “Rock am Ring” rok-festivalı Avropada keçirilən ən böyük tədbirlərdən biridir. Festival bu ilin iyun ayının 2-dən 4-nə kimi keçirilməliydi.
Ziya Səccad
Ölkə.Az
