İranın informasiya nazirliyi: "Tehranda terrorçu qruplaşma zərərsizləşdirilib"

"Ölkə.Az" xəbər verir ki, bu barədə məlumatı İranın informasiya nazirliyi yayıb.

 

İran təhlükəsizlik qüvvələri Tehranda terror aktı törətməyə hazırlaşan bir qruplaşmanı zərərsizləşdirib. Nazirlik rəsmisi deyib: "Səhər saatlarında Tehranda bir neçə terrorçu qruplaşma terror aktı törətməyə cəhd edib. Bu qruplaşmalardan birinin üzvləri terror aktı törətmədən həbs ediliblər".

 

Qeyd edək ki, bu gün 4 nəfər silahlı şəxs İran parlamentinə hücum edib. Nəticədə 7 nəfər həlak olub. Bir neçə terrorçu isə İmam Xomeyninin məqbərəsinə hücum edib.