PKK polisləri həbs etdi: bir nəfər bıçaqlandı

PKK-nın Qəndildə olan liderlərindən biri Sabri Ok bəyanat verib.

Ok “polis və əsgər çəkilsin, biz də həbs edə bilərik” açıqlayıb. Onun bu ismarıcının ardınca Batman şəhərində YDG qruplaşması ilk həbsi həyata keçirib. PKK-nın gənclər təşkilatı olan YDG üzvləri mülki geyimli terrorizmə qarşı mübarizə aparan polisi saxlayıb. Bu qarşıdurmada bir polis bıçaqlanıb.


“Gülən camaatı”na yaxınlığı ilə seçilən “Samanyoluhaber” məlumat yayıb ki, hadisə Batmanın Bağlar massivində olub. YDG üzvləri ilə mübahisə zamanı polislərin silahları əllərindən alınıb. Polislərlə onların arasında yaşanan hadisələri görən vətəndaşlardan biri polisə xəbər verib. Əraziyə polis qüvvələri cəlb olunub, həmkarları xilas edilib.


Türkiyədə artıq PKK real güc olaraq yenidən səfərbər olmağa və kürdlərin yaşadığı bölgələri nəzarətdə saxlamağa çalışır. Kobanidə baş verənlərdən sonra PKK fəallaşıb və kürdləri qorumaq adı ilə dövlət içində dövlət yaratmaq, polis içində polis olmaq iddiasındadır. (axar.az)

Ölkə.Az