"Coca Cola" süd istehsal edəcək

"Coca Cola"-nın məhsulları artacaq.

Ölkə.Az "The Guardian"-a istinadən xəbər verir ki, dünyaca tanınmış "The Coca Cola" şirkəti keyfiyyətcə analoqlarını üstələyən xeyirli süd istehsal etməyə qərar verib. Bununla "The Coca Cola"-nın məhsullarının növü daha da artacaq.

Bildirilir ki, yeni məhsulun ilk partiyası bu ilin sonuna qədət ABŞ istehlakçılarına təqdim olunacaq və 2015-ci ildən etibarən idxal olunmağa başlayacaq. "Coca Cola" südü tərkibinə görə digərlərindən fərqlənəcək. Belə ki, onun tərkibində protein miqdarı 50 faiz çox, şəkər isə 30 faiz az olacaq. Bundan başqa, onun tərkibinə laktoza daxil edilməyəcək.

Şirkət nümayəndələri açıqlamada qeyd ediblər ki, əsas məqsəd xeyirli və yüksək keyfiyyətə malik süd məhsulunu hazırlamaqdır.

"Bizim süd xüsusi distillə prosesindən keçəcək və bu onun tərkibində olan zərərli maddələrin azaldılması və insan orqanizmi üçün xeyirli olan maddələrin artırılmasına xidmət edəcək. Həmçinin biz laktozadan imtina etmişik. Bizim yeni məhsulumuz premium markası olacaq və adi içəcəkdən fərqlənəcək. Ola bilsin ki, bu özünü qiymətdə də göstərdi", - deyə, şirkətdən bildiriblər.

Xatırladaq ki, "The Coca Cola" şirkəti 1886-cı ildə ABŞ-da yaradılmış və sərinləşdirici içkilərin istehsalı üzrə ixtisaslaşaraq dünya bazarına çıxmışdı.

Rəşid Mustafazadə

Ölkə.Az