"Google" haqqında sensasion açıqlama

Assanc: "Google ABŞ-a işləyir"

Ölkə.Az "Publico" nəşrinə istinadən xəbər verir ki, WikiLeaks saytının yaradıcı Culian Assancın sözlərinə görə, məşhur axtarış sistemi olan Google, istifadəçilərinin bütün yazışmalarını ABŞ-ın xüsusi orqanlarına təqdim edir. Assanc hesab edir ki, ABŞ-ın Google şirkəti gizli şəkildə ABŞ-ın dövlət departamenti üçün işləyir.

"Google elektron poçt vasitəsilə istifadəçilərinin yazışmalarını Federal Təhqiqat Bürosu və Mərkəzi Kəşfiyyat İdarəsinə təqdim edir", - deyə, Assanc bildirib.

Culian Assanc Google şirkətinin prezidenti Erik Şmidt və direktorlar şurasının üzvləri ilə görüşəndən sonra bu qərara gəlib.

Xatırladaq ki, bir müddət əvvəl Assancın ürək xəstəliyindən əziyyət çəkdiyi haqqında xəbərlər yayılmışdı. Ekvador səfirliyi Assanca tibbi yardımın göstərilməsi məqsədilə Britaniya hökumətinə müraciət etmişdi. Lakin onların müraciətinə baxılmamışdı.

Assanc 2012-ci ilin 19 iyunundan Ekvadorun səfirliyində saxlanılırş

Rəşid Mustafazadə

Ölkə.Az