Rusiyalı siyasətçi: "Saakaşvili Ukraynanın baş naziri olsun"

Kiyevə Saakaşvilini baş nazir təyin etməyi məsləhət görüblər.

Ölkə.Az xəbər verir ki, Rusiya Dövlət Dumasının beynəlxalq məsələlər üzrə komitəsinin sədri, deputat Aleksey Puşkov şəxsi Twitter hesabında Ukraynanın prezidentinə Saakaşvilini baş nazir təyin etməyi tövsiyyə edib.

Deputat hesab edir ki, Kiyev hökumətinin məntiqi ilə Gürcüstanın keçmiş prezidenti Mixail Saakaşvili Gürcüstanın baş naziri ola bilər. Aleksey Puşkov bu barədə çox düşünmədən Mixail Saakaşvilini Ukraynanın baş naziri təyin etməsini təklif edib.

"Poroşenkoya yeni söz! Ukraynanın DİN rəhbəri vəzifəsinə Saakaşvilinin keçmiş silahdaşı namizəddir. Niyə də baş nazir Saakaşvili olmasın?", - deyə deputat bəyan edib.

Xatırladaq ki, bir müddət əvvəl məlum olmuşdu ki, ölkənin daxili işlər naziri Gürcüstanın sabiq baş prokuroru Zurab Adeişvili ola bilər.

Rəşid Mustafazadə

Ölkə.Az