Rusiya neft hasilatını dayandırır

Rusiyanın iqtisadi inkişaf naziri Aleksey Ulyukayev bu yaxınlarda İrandan neft alacaqlarını bəyan edib.

Ölkə.az "RİA Novosti" agentliyinə istinadən xəbər verir ki, Rusiya İran neftini taxıl və sənaye məhsulları ilə barter edəcək.

"Bu məsələ son vaxtlar bi neçə dəfə aktuallaşıb və biz bu istiqamətdə fəaliyyət aparırıq. Artıq texniki məsələlər və neftlə barter olunacaq məhsulların siyahısının müəyyən edilməsi prossesi gedir. Məsələ təkcə taxılla bitmir. Burada məhsulların çox geniş siyahısı nəzərdə tutulub. Neft-qaz sənayesi üçün avadanlıq, kənd təsərrüfatı texnikası, təyyarə, vaqonlar, elektrik generatorları və.s nəzərdə tutulur.", deyə Ulyukayev bildirib.

Neftin qiymətlərinin kəskin şəkildə aşağı düşməsi onun Rusiya ərazisində hasilatının rentabelliyini aşağı saldığından Moskvaya hazırki qiymətlərin fonunda nefti idxal etmək daha sərfəli görünür. Buna görə də Rusiya hökuməti həm sənaye məhsulları üçün bazar, həm də daxili yanacaq tələbətını nisbətən ucuz neftlə təmin etmək üçün hasilatı dayandırıb enerji daşıyıcılarını ıdaxal etmək qərarına gəlib.

Ölkə.az