Fransa rəsmən Fələstini tanıdı

Fələstin dövləti rəsmi olaraq 135 ölkə tərəfindən tanınıb.

Ölkə.Az "RİA Novosti"-yə istinadən xəbər verir ki, Fransa parlamentində Fələstin dövlətinin tanınması ilə bağlı səsvermə keçirilib. Fələstinin tanınmasının lehinə 339, əleyhinə isə 151 deputat səs verib.

Beşinci respublikanın xarici işlər naziri Loran Fabius hələ noyabrın sonunda Fələstin dövlətinin tanınmasının zəruriliyi barədə bəyan etmişdi. Onun sözlərinə görə, bu hadisə rəsmi Parisin İsrail və Fələstinə yardım etmək cəhdi boşa çıxanda baş verməli idi.

Fabius qeyd edib ki, Fransa danışıqlar yolu ilə vahid dövlətin qorunması məsələsi üzrə iki illik planın qəbul edilməsi məqsədilə BMT-nın üzv-dövlətləri ilə aktiv şəkildə əməkdaşlığa davam etməlidir. Nazir həmçinin bu məsələyə həsr olunmuş beynəlxalq konfransın keçirilmısini təklif edib.

Xatırladaq ki, bu günə qədər Fələstin dövləti rəsmi olaraq 135 ölkə tərəfindən tanınıb.

Rəşid Mustafazadə

Ölkə.Az