Ermənilərdən növbəti həyasız addım

Ermənilərin mətbəx mövzusunda çox "canfəşanlıq" göstərdikləri məlumdur.

Dolmanı, lavaşı və bir sıra yeməkləri "özəlləşdirən" ermənilər bu dəfə də dayanmaq fikrində deyillər.

"Ölkə.Az" xəbər verir ki, ermənilərin bu dəfəki hədəfi "Napoleon" tortu olub. Çexiyada fəaliyyət göstərən şirniyyat dükanlarının birində "Napoleon" tortu erməni desserti adı ilə satışa çıxarılıb.

Ermənilər Çexiyada "Marlenka" şirkətinin "Ballı" tortunu istehsal edirlər. Guya resept qədim erməni reseptidir. Fağır çexlər isə bu əfsanəyə inanırlar.
Görünən odur ki, erməni həyasızlığının sərhədi yoxdur. Sosial şəbəkə istifadəçilərinin, xüsusən də Avropada yaşayanların bildirdiyinə görə, ermənilər "qədim erməni qəhvəsi", "qədim erməni çayı" adı altında da dükanlara öz "məhsullarını soxuşdurmağa davam edirlər.

Rusiyada yaşayan bir dostum isə iri marketlərdə "erməni lavaşı" brendi ilə satılan lavaşların olduğunu bildirir.

Bu dəfə isə ermənilərin hədəfi Avropada və Rusiyada geniş yayılan "Napoleon" tortudur. Biz isə tortun yaranma tarixçəsinə qısa nəzər saldıq.

1812-ci ildə Napoleon Bonapart Rusiyada məğlub olur. Bu vacib tarixin 100 illiyi qeyd ediləndə Rusiyada geniş tədbirlər keçirilir. Hazırlıq isə bir müddət əvvəldən başlayır. Məhz bayram masasına aşpazlar ağızda əriyən pirojna bişirə bilirlər. Bu şirniyyatı isə Napoleon adlandırırlar.

Bəzi versiyalara görə isə tortun resepti XIX əsrin ikinci yarısından məlumdur. Fransa və İtaliyada bu tortu "millefeuille", yəni min qatlı adlnadırırlar. ABŞ-da Napoleon, Böyük Britaniyada isə "Vanilla slice" və ya "Cream slice" adlandırırlar. Qeyd edilir ki, tortun adı "Neapol" şəhəri ilə bağlıdır.

Hikmət Həsənov
Ölkə.Az