Hindistanda müsəlmanlara qadağa
"Ölkə.Az" xəbər verir ki, Hindistanın ali məhkəməsi müsəlmanların üç dəfə "boş ol" deməsi ilə boşanmasının qadağan edilməsi barədə hökm çıxarıb.
Hindistanın baş naziri Narendra Modi bu qərarı tarixi qərar və müsəlman qadınların hüquqları üçün cox vacib addım sayıb.
Bildirilir ki, son vaxtlar Hindistanda bir çox kişi arvadına proqramlar vasitəsilə "boş ol" deyərək mesaj göndərirdi. Qadınlar isə bu yol vasitəsilə boşana bilmirdilər. Hüquq müdafiəçiləri və 5 qadın məhkəməyə müraciət edib.
Hakimlərin fikrinə görə bu söz konstitusiyaya və İslam normalarına uyğun deyil. Onlar bildiriblər ki, kişi sadə kaprizə görə ailəsini dağıtmamalıdır.
Qeyd edək ki, Pakistan və Banqladeş başda olmaqla bir çox müsəlman ölkəsində belə boşanma qadağan edilib.
Hikmət Həsənov
Ölkə.Az
