Mərakeşdə rəzalət
Mərakeşdə baş verən çox çirkin bir hadisə dünya mətbuatının gündəminə oturub.
"Ölkə.Az" xəbər verir ki, Kasablanka şəhərində əlil bir qadın avtobusda 6 yeniyetmənin cinsi təcavüzünə məruz qalıb. Baş verən hadisə anbaan avtobusdakı kamera tərəfindən qeydə alınıb.
Videoda 15-17 yaş arası 6 oğlan uşağının əlil qadına təcavüz etdiyi, güldüyü və paltarını cırdığı görünür. Avtobusun digər sərnişinlərindən heç kəs əlil qadına kömək etməyib.
Mərakeş təhlükəsizlik qüvvələri istintaqa başlayıb. Şübhəli bilinən 6 nəfər yeniyetmə saxlanılıb.
Qeyd edək ki, Mərakeşdə hər 3 qadından ikisi fiziki, psixoloji, iqtisadi və cinsi hücum və istismara məruz qalır.
Mərakeşin sosial şəbəkə istifadəçiləri isə hücumu tənqid etməkdənsə, mübahisə ediblər. Çünki bir çoxları qadını açıq-saçıq geyinməkdə ittiham ediblər.
Hikmət Həsənov
Ölkə.Az
