Səudiyyə Kralının 100 milyon dollarlıq istirahəti

Səudiyyə Ərəbistanının kralı Mərakeşdə istirahət edir.

"Ölkə.Az" xəbər verir ki, kralın istirahətinin xərci 100 milyon dollardır. Səudiyyə şahzadəsi Əl Vəlid Bin Tallal Bin Əbdüləziz Əl Səud və ailəsi də Türkiyənin Bodrum rayonunda istirahət edir. Şahzadənin tətilinin xərci isə 2.5 milyon türk lirəsidir (Təxminən 800 min dollar).

Səudiyyə kralı Salmanın Mərakeşdəki 1 aylıq istirahəti 100 milyon dollara başa gəlib. Bu məbləğ Mərakeşin bir illik turizm gəlirinin 1.5 faizini təşkil edir.
1000 nəfərlik heyətlə tətilə çıxan Kral Salman 74 hektarlıq ərazidə istirahət edib.

Krallığın işçiləri, nazirləri, müşavirləri, qohumları və təhlükəsizlik xidməti də 1 aylıq istirahət üçün şəhərin ən bahalı otellərindən biri bağlanıb.

İşçilər üçün 800 otel otağı bron edilib. Kral ilə gələn heyətdə olan avtomobillərdən başqa 200 avtomobil kirayəyə götürülüb.

Səudiyyə kralı tətil vaxtı Mərakeş kralı VI Məhəmməd ilə də görüşüb.

Hikmət Həsənov
Ölkə.Az