Polisdən gecə əməliyyatı

Biləsuvar polisi gecə saatlarında ağır tonnajlı yük maşınlarına qənim kəsilən oğruları zərərsizləşdirə bilib.

Oğrular maşınlardan oğurladıqları akkumulyatorları Biləsuvar və Cəlilabad bazarlarında dəyər dəyməzə satıblar.

Biləsuvar şəhər sakini Elnur Hüseynovun yaxın tanışı Cavid Şirinovla birgə asan pul qazanmaq istəyi onların yolunu yenidən rayon polis şöbəsindən salıb. 2 gün ərzində "Kamaz" markalı maşınlardan 8 ədəd akkumulyator oğurlayan dostların növbəti əməliyyatı uğursuz olub.

Elnur Hüseynov tanışı Cavid Şirinovla birlikdə gecə saatlarında Biləsuvar şəhəri ərazisində küçədə dayanmış "Kamaz" markalı maşınlarının üzərindən akkumuyyatorları oğurlayıblar. Onların bu hərəkətləri nəticəsində zərərçəkmişlərə umumikdə 1200 manatdan artıq maddi ziyan dəyib. Oğurladıqları akkumulyatorları Elnur Hüseynov və Cavid Şirinov Biləsuvar və Cəlilabad şəhərlərinin bazarlarında aşağı qiymətlərə sataraq pul əldə ediblər", - deyə Fərid Sultanlı bildirib.

Bundan əvvəl narkotiklərin qanunsuz dövriyyəsinə görə məhkumluq həyatı yaşayan Cavid ilkin istintaqa ifadəsində törətdiyi əməldən peşiman olduğunu bildirib. İkinci dəfə oğurluq etdiyinə görə qanun qarşısında cavab verməli olan Elnur isə oğurladıqları akkumulyatorları dəyərindən qat qat aşağı satdığını bildirib.

Faktla bağlı Biləsuvar rayon polis şöbəsində cinayət işi başlanıb./Anspress/

Ölkə.Az