Ötən gün yol qəzalarında 4 nəfər ölüb
Ötən gün respublikanın avtomobil yollarında qeydə alınan yol qəzalarının statistikası açıqlanıb.
"Ölkə.Az" xəbər verir ki, Baş Dövlət Yol Polisi İdarəsindən APA-ya verilən məlumata görə, dünən respublikanın avtomobil yollarında 13 yol-nəqliyyat hadisəsi baş verib. Nəticədə 4 nəfər ölüb, 13 nəfər xəsarət alıb.
İdarədən həmçinin bildirilib ki, yağışlı hava şəraiti ilə bağlı respublikanın avtomobil yollarında hər hansı problem yaranmayıb.
