Xaçmazda avtoqəza: 1 ölü

Xaçmaz rayonunda ölümlə nəticələnən yol-nəqliyyat hadisəsi baş verib.

Hadisə Gəndob-Yalama yolunun 15-ci km-də, Xaçmazın Çarxı kəndindən keçən hissəsində baş verib.

29 yaşlı Faiq Fikrət oğlu Mustafayev idarə etdiyi “Opel” markalı avtomobillə yolu keçmək istəyən piyada 55 yaşlı Safat Əlibala qızı İbrahimovanı vurub. Piyada hadisə yerində dünyasını dəyişib. 

Ölən şəxsin meyiti Xaçmaz rayon morquna yerləşdirilib.

Baş Dövlət Yol Polis İdarəsinin istintaq və təhqiqat bölməsinin ərazidə işləyən müstəntiqi Cəsarət Bayramovun bildirdiyinə görə, hadisə ilə bağlı araşdırma aparılır. Qəza zamanı günahın kimdə olduğu aparılan araşdırmadan sonra bəlli olacaq. (anspress)

Ölkə.Az