Sumqayıtda intihara cəhdin qarşısı alınıb
Sumqayıtda bir nəfər intihara cəhd edib.
Sumqayıt şəhər Məhkəməsinin qarşısındakı 9 mərtəbəli binanın damına çıxan Pərviz Ramiz oğlu Səmədov özünü atmaq istəyib. Hadisə yerinə polis əməkdaşları və Fövqəladə Hallar Nazirliyinin xilasediciləri cəlb olunub.
Sumqayıt şəhər Polis İdarəsindən APA-ya bildirilib ki, intihara cəhd edən şəxslə danışıqlar aparılıb. P. Səmədov məhkəmənin qərarına etiraz olaraq intihar etmək istədiyini bildirib.
FHN-dən verilən xəbərə görə, artıq intihara cəhd edən şəxs xilasedicilərin köməyi ilə xilas olub. Onu binanın damından düşürmək mümkün olub. (APA)
Ölkə.Az
