Kürdəmirdə avtomobil qəzası
Fövqəladə Hallar Nazirliyinin Böhran Vəziyyətlərdə İdarəetmə Mərkəzinə daxil olmuş məlumata əsasən, Kürdəmir rayonu, Xırdapay kəndində "KamAZ" markalı yanacaqdaşıyan avtomobil aşıb.
"Ölkə.Az" FHN-in saytına istinadən xəbər verir ki, hadisə yerinə cəlb olunmuş Dövlət Yanğından Mühafizə Xidmətinin müvafiq xilasetmə qüvvələri sıxılmış vəziyyətdə qalmış sürücünü avtomobildən çıxararaq aidiyyəti üzrə təhvil veriblər.
Əməliyyat başa çatıb.