Bakıda telefon mağazası yarıldı
Nəsimi rayonunda Zaur Məmmədova məxsus telefon mağazası yarılıb.
“Ölkə.Az”a verilən məlumata görə, mağazanı sahibi olan Z.Məmmədov səhər işə gələn zaman gördüklərinə inanmayıb. Belə ki, oğrular mağazanın arxa tərəfindən olan plastik divarı sökməklə içəri daxil olaraq 3-4 min manatlıq telefon və aksesuarları oğurlayıblar.
Baş vermiş hadisə ilə bağlı Nəsimi RPİ-nin 19-cu Polis Bölməsinin əməkdaşları mağazaya gəliblər və ilkin nümunələr götürüblər. Məlum olub ki, sahibkar hadisədən 1 gün qabaq mağazaya yeni markalı mobil telefonlar gətirib. Çox ehtimal ki, mağazanın sahibi ilə əlaqəli olan oğrular bundan istifadə edərək telefon dükanını yarıblar.
Faktla bağlı Nəsimi RPİ-nin İstintaq Şöbəsində cinayət məcəlləsinin 177-ci (oğurluq) maddəsi ilə cinayət işi başlanıb.
