12 milyonluq dələduzluq edən 9 ilini həbsdə keçirəcək
Külli miqdarda dələduzluqda təqsirləndirilən iş adamı Ceyhun Canıyevin cinayət işi üzrə məhkəmə prosesi başa çatıb.
“Ölkə.Az” xəbər verir ki, Bakı Ağır Cinayətlər Məhkəməsində hakim Ramella Allahverdiyevanın sədrliyi ilə baş tutan prosesdə təqsirləndirilən şəxsə hökm oxunub.
Ceyhun Canıyev 9 il müddətinə azadlıqdan məhrum edilib.
İttihama görə, iş adamı Ceyhun Canıyev Bakıda bir neçə sahibkarı aldatmaqla onlardan külli miqdarda pul alıb. Belə ki, C.Canıyev pul aldığı şəxslərdən biri Novruz Rəsulovdur. Zərəçəkmiş parytaxtda bina tikintisi ilə məşğul olub. Bina tikintisi üçün C.Canıyevə 1 milyon 600 min dollar və 3 milyon 200 min manat verib. Lakin bina tikintisi planı baş tutmayıb və C.Canıyev həmin pulu geri qaytarmayıb.
O, ümumilikdə 12 milyon dollar mənimsəməkdə təqsirləndirilib.
