Qayınatasına xəsarət yetirən şəxs saxlanıldı
“Ölkə.Az”a verilən məlumata görə, kənd sakini 57 yaşlı Tərlan Zeynal oğlu İmanov ilə kürəkəni, rayonun Padar kənd sakini olan 27 yaşlı Səfa Eldar oğlu Fətəliyev arasında şəxsi münasibətlər zəminində mübahisə baş verib. Mübahisə zamanı S. Fətəliyev əlində olan odun doğrayan elektrik mişarı ila qayınatasının döşqəfəsi nahiyəsindən müxtəlif dərəcəli ağır bədən xəsarətləri yetirərək hadisə yerindən qaçıb.
Yaralı qayınata isə Oğuz rayon Mərkəzi Xəstəxanasına çatdırılıb, ancaq xəsarətləri ağır olduğundan müalicəsini davam etdirmək üçün Şəki rayon Mərkəzi Xəstəxanasına aparılıb. Hazırda reanimasiya şöbəsində müalicə alan yaralının vəziyyəti orta-ağır kimi qiymətləndirilib.
Hadisəni törədən şəxsə gəldikdə isə, o, Oğuz RPŞ-nin əməkdaşlarının keçirdikləri əməliyyat-axtarış tədbirləri nəticəsində saxlanılaraq istintaq bölməsinə təhvil verilib və barəsində cinayət məcəlləsinin 126.1-ci (qəsdən sağlamlığa ağır xəsarət yetirmə) maddəsi ilə cinayət işi başlanıb.
