Avtomobil qəzasında naməlum qadın dünyasını dəyişdi
Yol-nəqliyyat hadisəsi Suraxanı rayonu, H.Əliyev prospektində qeydə alınıb.
“Ölkə.Az”ın məlumatına görə, Əlizadə İsa Vəli oğlu idarə etdiyi “Mitsubishi” markalı avtomobillə yolu keçmək istəyən qadını vurub. Piyadanın xəsarətləri ağır olduğundan hadisə yerindəcə dünyasını dəyişib.
Qəza yerinə gələn rayonun hüquq-mühafizə orqanlarının əməkdaşları ilkin müayinələrə başlayıblar, ancaq qadının şəxsiyyətini müəyyən etmək mümkün olmayıb. Hazırda Suraxanı RPİ-nin əməliyyatçıları tərəfindən qadının kimliyinin müəyyən edilməsi istiqamətində əməliyyat-axtarış tədbirlərinə başlanıb.
