Güldan oğrusu həbs edildi

Masallıda qəbristanlıqda oğurluq edilib.

Masallı rayonun Ərkivan qəsəbə sakini Aqil Duniyevin qəbristanlıqdan etdiyi oğurluq hadisələrinin üstü açılıb.

Belə ki, rayonun Məmmədrza küçə kənd sakini, Risad Əliyev polis şöbəsinə ərizə ilə müraciət edərək bildirib ki, kənd qəbirstanlığında dəfn edilən atasının qəbrinin kənarında qara mərmərdən olan 250 manat dəyərində güldan oğurlanıb. Aparılan əməliyyat axtarış tədbirləri nəticəsində müəyyən edilib ki, həmin oğurluğu asan qazanc əldə etmək məqsədi ilə 28 yaşlı Ərkivan qəsəbə sakini Aqil Duniyev törədib.

İstintaq şöbəsinin rəisi Elçin Fərəcovun sözlərinə görə, istintaq zamanı müəyyən edilib ki, Aqil Duniyev 2014-cü il dekabr – 2015-ci il yanvar aylarında ayrı-ayrı vaxtlarda Masallı rayon ərazisində yerləşən müxtəlif qəbristanlıqlardan 11 ədəd güldanlar oğurlayıb. O, ümumilikdə vətəndaşlara 1650 manat dəyərində maddi zərər vurub.

Oğurluq etməkdə təqsirli bilinən Aqil Duniyev artıq saxlanılıb və barəsində 3 ay müddətində həbs qəti imkan tədbiri seçilib. Aqil oğurluq hadisələrini gecə, içkili vəziyyətdə törətdiyini bildirib.

Maraqlısı budur ki, Aqil Duniyev özü də qəbir daşlarının hazırlanması ilə məşğuldur. (ans)

Ölkə.Az