Daha bir cinayətin üstü açıldı

Lənkəranda bir neçə gün öncə baş vermiş cinayətin üstü açılıb. 

Lənkəran Şəhər-Rayon Polis Şöbəsi (ŞRPŞ) əməkdaşlarının həyata keçirdikləri əməliyyat-istintaq tədbirləri sayəsində rayonun Göyşaban kənd sakini, 23 yaşlı Elmar Şamil oğlu Quliyevə bıçaqla xəsarət yetirməklə sağlamlığına ağır zərər vurmaqda şübhəli bilinən şəhər sakini Rövşən Axundzadə isti izlərlə yaxalanıb.

Qeyd edək ki, bıçaqlanma hadisəsi fevralın 5-də günorta saatlarında qeydə alınıb. Naməlum şəraitdə kürək nahiyəsindən və qarın boşluğundan 3 bıçaq zərbəsi alan Elmar Quliyev ətrafdakıların köməyi ilə Lənkəran Mərkəzi Rayon Xəstəxanasına çatdırılaraq, dərhal cərrahiyyə əməliyyatına götürülüb. Hazırda reanimasiya şöbəsinə yerləşdirilmiş E.Quliyevin vəziyyəti orta ağır qiymətləndirilir.

Faktla bağlı Lənkəran ŞRPŞ-də cinayət işi açılıb, araşdırma aparılır. (APA)

Ölkə.Az