Rüstəmxanlıların düşdüyü qəzadan görüntülər

Masallı-Yardımlı yolunda ölümlə nəticələnən ağır yol-nəqliyyat qəzasının görüntüləri yayımlanıb. 

Qeyd edək ki, hadisə bu gün saat 15.30 radələrində qeydə alınıb. Bakı şəhər sakini Rafiq Muxtar oğlu Mustafayevin idarə etdiyi 90-LB-944 dövlət nömrə nişanlı “Toyota Prado” markalı avtomobilin dərəyə aşması nəticəsində maşında olan 44 yaşlı Könül Yolçu qızı Rüstəmxanlı hadisə yerində dünyasını dəyişib. Avtomobildə olan digər sərnişin, 40 yaşlı Əliyeva İlahə Xudu qızı isə xəsarət alaraq Masallı Mərkəzi Rayon Xəstəxanasının reanimasiya şöbəsində yerləşdirilib. Məlumata görə, kəllə-beyin travması və çoxsaylı bədən xəsarətləri alan qadının vəziyyəti ağırdır. Bununla bağlı Bakıdan həkim briqadası dəvət olunub. 

Xatırladaq ki, yol qəzasında dünyasını dəyişən Könül Rüstəmxanlı “Qanun” Nəşrlər Evinin sahibi, jurnalist Şahbaz Xuduoğlunun həyat yoldaşı, xəsarət alan İlahə Əliyeva isə onun bacısıdır. Faktla bağlı araşdırmalara başlanıb. (APA tv)

Ölkə.Az