​Azərbaycan vətəndaşları Qazaxıstanda saxlanıldı

Qazaxıstan sərhədçiləri Azərbaycanın üç vətəndaşını saxlayıblar.

Bu haqda məlumatı Qazaxıstan Milli Təhlükəsizlik Komitəsi Sərhəd Xidmətinin mətbuat katibliyi yayıb. Xəbərdə bildirilib ki, Azərbaycan vətəndaşları saxta sənədlə sərhədi keçməyə cəhd göstərərkən tutulublar.

Tutulan digər şəxslər Qırğızıstan, Özbəkistan, Rusiya, Çin, Türkmənistan və Monqolustan vətəndaşlarıdır. Onlar inzibati qaydada məsuliyyətə cəlb olunacaq.

Ötən sutka ərzində Qazaxıstan sərhədçiləri ümumilikdə 36 nəfər sərhəd pozucusunu saxlayıb./Report/

Ölkə.Az