Avtobusda qəfl ölüm

Şəki-Oğuz marşrutu ilə hərəkət edən mikroavtobusda ölüm hadisəsi baş verib. Şəki Şəhər-Rayon Polis Şöbəsindən verilən məlumata görə, hadisə bu gün səhər saatlarında Şəki avtovağzalında qeydə alınıb. 1937-ci il təvəllüdlü Oğuz rayon sakini Qədir Əli oğlu Səlimov Şəki-Oğuz marşrutu ilə hərəkət edən mikroavtobusda qəflətən dünyasını dəyişib. 78 yaşlı kişinin ölümünün dəqiq səbəbi aparılacaq tibbi ekspertizanın rəyindən sonra məlum olacaq. Faktla bağlı araşdırma aparılır./Apa/